Yeni Mazda 2-nin şəkilləri nəşr edildi
“Mazda” yeni modeli “Demio”-nun ilk şəkillərini nəşr etdirib. Onun digər adı da “Mazda 2”-dir. Avtomobil əvvəlki “Mazda 3” və “Mazda 6” modelləri ilə eyni üsluba malikdir.
“Balacanın” salonu da “böyük qardaşlarının” salonuna oxşayır. “Mazda 2”-nin texniki göstəriciləri barədə məlumat verilmir – onlar yalnız Paris təqdimatı zamanı bilinəcək.
Lakin baza olaraq “ikilik” 1,3-litrlik 100 a.g. olan mühərriklə təchiz ediləcək. Bundan əlavə, 1,5-lıtrlik benzin və dizel mühərrikləri də peyda olacaq.
“Mazda 2”-nin cari ilin sonunda satışa çıxacağı gözlənilir.