Sığortasız avtomobillər üçün cərimələr artırılıb
Azərbaycanda icbari sığorta edilməyən avtomobillər üçün cərimələr artırılıb.
Azərbaycan Prezidenti İlham Əliyev “Azərbaycan Respublikasının İnzibati Xətalar Məcəlləsində dəyişiklik edilməsi haqqında” sərəncam imzalayıb.
1news Azərbaycan Prezidentinin rəsmi saytına istinadən xəbər verir ki, dəyişikliklərə əsasən sürücülər avtomobillərinin icbari sığortası olmadığına görə daha çox cərimə ödəyəcəklər.
Bu məbləğ fiziki şəxslər üçün 10-dan 50 manata qədər, vəzifəli şəxslər üçün 100 manat, hüquqi şəxslər üçün isə 300 manat olacaq.
