Bentley 700-güclü kupe hazırlayır
Britaniya mətbuatı bildirir ki, “Bentley” şirkəti iyun ayının 26-29-da keçiriləcək Hudvud sürət festivalında yüksək məhsuldarlı “Continental GT” variantını təqdim edəcək.
Avtomobil ən azı 700 a.g.-lü (522 kVt) mühərrikə sahib olacaq. Yüksək məhsuldarlı “Bentley Continental GT” çox güman ki, RS adı alacaq.
Güc arxa oxa köçürüləcək. Bundan əlavə, karbon lifi kimi yüngül materiallar hesabına çəki yüngülləşir, aerodinamika yaxşılaşır.
Mənbənin verdiyi məlumata görə, britaniyalılar bu avtomobildən cəmi 30 ədəd buraxacaqlar və bütün avtomobillər artıq satılıb.
