Volkswagen konseptual pikap göstərib
Məxsusi olaraq “Wörthersee” avtosərgisi üçün “Volkswagen” şirkəti xüsusi konseptual pikap “Amarok Power” təqdim etdi. O, 5000 Vatlıq hərəkət səs sistemi və professional dicey avadanlığı ilə təchiz edilib. Açıq havada bayramların keçirilməsi üçün nəzərdə tutulan avtomobil baza modelindən daha parlaq ban və salon işləməsi, böyük təkərlər və seriyalı modeldə quraşdırılmayan yeni dizel mühərriki ilə fərqlənir.
Avtomobilin banında xüsusi stellaj quraşdırılıb ki, orada “Pioneer CDJ900NXS” maqnitafonunu, “Allen & Heath Xone: 92” mikşer pultunu, “VOID ACOUSTICS Impulse 3t” dinamiklərini, “Stasys Xair” sabvuferini və s. daşımaq mümkündür. Yuxarıda göstərilənlərə güclü akkumulyator dəsti də əlavə olunur. İkiyerli kabinəsi olan 5250-millimetrlik “VW Amarok Power” xarici görünüşündə idman ban asması (splitteri olan yeni qabaq bamper, yan ətəklər, enliləşdirilmiş təkər arkaları, dəyişilmiş arxa bamper, biksenon qabaq işıqlar, 22-düymlük çoxmilli disklər, 295/35 ölçülü aşağıprofilli şinlər, narıncı əyləc supportları, qazburaxma sistemində böyük xrom borular) alıb.
Aşağı klirens, qara aksentlər və yanlardakı arxa görünüş güzgüləri korpuslarının polad əlavələri pikapa eksklüzivlik qatır. Salonda qara və narıncı dəri ilə üzlənmiş təknəyəbənzər oturacaqlar, karbon və alkantara ilə işlənmiş 3-milli idman sükanı, ikirəngli təhlükəsizlik kəmərləri və narıncı bəzək əlavələri quraşdırılıb.
İnteryerdə karbon cihazlar panelini və mərkəzi konsolu bəzəyir. Musiqili “Volkswagen Amarok Power” 272 a.g. və 600 Nm fırlanma anı verən yeni 3,0-litrlik TDI mühərriki ilə təchiz edilib. 8-diapazonlu avtomatik sürət qutusu ilə hərəkətə gələn pikap 100 km/saatı 7,9 saniyəyə yığır, maksimal sürət isə 210 km/saatdır.
