Citroen kompakt krossover göstərəcək
Bir neçə gün bundan əvvəl “Citroen” şirkəti Pekin sərgisində nümayiş etdirəcəyi yeni krossoverin tizerini göstərdi. Onun məşhur konsept Wild Rubis-in seriya versiyasının olması gözlənirdi, lakin Şəbəkədə peyda olmuş dizayner sketçləri bu fərziyyəyə ziddir.
Eskizlərdə bəzi məlumatlara görə “Citroen”-in və “Dongfeng” konserninin birgə təşəbbüsü ilə Çində buraxılacaq krossover təsvir olunub. Carscoops nəşriyyatı “Citroen”-nin Pekində Avropada satışa çıxarıldıqdan sonra dərhal populyarlıq qazanan krossover “Peugeot 2008”-in xüsusi modifikasiyasını göstərəcəyini güman edir.
“Peugeot 2008”-in iki şevronu olan versiyasının Fransa konserninin digər modelləri kimi Çin bazarında qalacağı və Avropada satılmayacağı istisna edilmir. Lakin istehsalçı səssizliyini qoruyur – elan olunmuş konseptin rəsmi adı belə yoxdur. Yəqin ki, vəziyyət aprelin 20-si başlanacaq Pekin avtosalonunun açılışına yaxın aydınlaşacaq.
teqlər: | Citroen, Citroen Wild Rubis | 15.04.2014 |