BMW M4-ün açıq versiyası meydana gəlib
Cari ayin ortalarında beynəlxalq Nyu-York avtosalonunda idman avtomobili “BMW M4”-ün açıq seriyasının premyerası keçiriləcək. bu avtomobilin press-relizi bu gün Bavariya avtozavodu tərəfindən İnternet şəbəkəsində dərc olunub.
Dizaynda heç bir dəyişiklik gözlənilmir, çünki kabriolet kupedən yalnız qatlanan sərt damı ilə fərqlənir. Avtomobil eyni çox məhsuldar texnikaya malikdir və kupedən bir geri qalan dinamik xarakteristikalara malikdir.
“BMW M4 Convertible”-in ölçüləri sələfi – E93 banında kabriolet M3-ün ölçülərini ötüb keçir. Banın uzunluğu 56 mm artıb və 4671 mm olub, eni isə 66 mm artıb 1870 mm olub. hündürlüyü isə əksinə 6 mm azalıb – 1386 mm-ə çatıb.
Alüminium qatışıqlardan və karbon lifindən bol istifadə avtomobilin çəkisini 60 kq azaltmağa imkan verdi (1750 kq). Lakin 1497 kq gələn “M4 Coupe” ilə müqayisədə hazırlanmış kütlə kifayət qədər çox olur. Buna görə də avtomobil bir az asta olur.
Avtomobilin səs izolyasiyası üzərində işləməklə, konstruktorlar salonda səs-küyü 2 detsibel azalda biliblər. Metal dam 3 hissədən ibarətdir və onun yığılıb-açılmasına 20 saniyə vaxt gedir.
Bu əməliyyatı hərəkətdə olan zaman da etmək olar, lakin bu vaxt sürət 18 km/saatdan çox olmalı deyil. Baqaj hissənin tutumu üst hissənin olduğu vəziyyətdən asılıdır – bağlı olduqda 220 litr, açıq olduqd isə 370 litrdir.
Üstüaçılan “BMW M4” dəqiqədə 5500-7300 dövrdə 431 a.g. və dəqiqədə 1850-5500 dövrdə 550 Nm maksimal fırlanma anı verən 6-silindrli 3,0-litrlik turbolaşdırılmış mühərriklə təchiz edilir.
6-pilləli mexaniki sürət qutusu olan versiyalar 100 km/saata 4,6 saniyəyə, 7-pilləli idman “avtomatı” ilə isə 0,2 saniyə tez sürətlənir. Sprintdə kabriolet 0,3 saniyə kupeyə uduzur. Maksimal sürət elektron göstərici ilə 250 km/saatda məhdudlaşır.
Alman sportkarı 3 rejimli “Servotronic” sükan gücləndiricisi, naviqasiyası olan “ConnectedDrive” multimedia sistemi, qabaqdan 255mm, arxadan isə 275mm ölçülü şinləri olan 18-düymlük yüngüllehimli disklərlə təchiz edilib.
Əlavə ödəniş edən müştərilərə karbon-keramik əyləc, adaptiv asma, 19-düymlük disklər, proyeksiyalı displey, küləyə davamlı ekran və s. təklif edilir. Avropada kabriolet payızda satışa çıxarılacaq və başlanğıc qiymət 73500 avro olacaq.
