Brabus növbəti B63S 700-ü təqdim etdi
Almaniyanın tüninq-atelyesi “Brabus” bu yaxınlarda tamamlanmış yolsuzluq avtomobili “Mercedes-Benz G63 AMG”-nin şəkillərini təqdim etdi. Premium sinfinə məxsus avtomobili “B63S 700” paketi ilə təchiz ediblər.
Bu paketə xarici staylinq, daxili aksessuarlar dəsti, böyük disklər və təkmilləşdirilmiş texniki hissə daxildir. Bu və ya digər növ tamamlamaya demək olar ki, bütün texniki hissələr məruz qalıb, bu da hərbi yolsuzluq avtomobilinin hərəkət keyfiyyətini və sürətlənmə dinamikasını yaxşılaşdırıb.
İlk növbədə “Brabus 700” 5,5-litrlik 8-silindrli tvin-turbo mühərrikinə sahibdir və onu 700 a.g. və 980 Nm-ə çatdırmaq mümkün olub.
Qarışıq vəziyyətdə 100 km məsafəyə 13,8 litr yanacaq sərf edilir. “Mercedes G63 AMG” xarici görünüşündə çoxlu sayda yeni detallar alıb.
Buna ventilyasiya olunan kapot, üzərində alman tünerinin emblemi olan qara radiator barmaqlığı, yenidən işlənmiş bamperlər, təkər arkalarının genişləndiriciləri, qabaq qanadlarda əlavələr, yan ətəklər, damın sonunda spoyler və ehtiyat təkərinin fərqli qapağı daxildir.
“Brabus”, həmçinin avtomobilə 23-düymlük disklər və mühərrik üçün dekorativ qapaq hədiyyə edib.
Salonu yüksək keyfiyyətli dəri və alkantara, o cümlədən təzad yaradan saplar və karbonla işləyiblər.
