Mercedes SLS AMG konveyerdən çıxarılacaq
“Mercedes-Benz” şirkəti 2014-cü ilin ortalarında superkar “SLS AMG”-nin istehsalını dayandıracaq. “Mercedes-Benz Passion” nəşriyyatının verdiyi məlumata görə, Zindelfinqendəki zavodun konveyerində onun yerini “C190” zavod indeksi daşıyan digər sportkar alacaq.
Konveyerdən ilk olaraq baza kupesi və rodster çıxarılacaq. Bu 2014-cü ilin yanvar ayında baş verəcək. Sonra isə yürüş modifikasiyası olan “GT” və “Black Series” variantı satışa çıxarılacaqlar. Hər iki modifikasiya 2014-cü ilin iyun ayına qədər buraxılacaq.
Bir qədər əvvəl artıq “Mercedes-Benz”-in “SLS AMG”-dən imtina edəcəyi barədə şayiələr gəzirdi. Lakin sonra bu şayiələr təkzib olundu və şirkətdə bildirdilər ki, model konveyerdə hələ bir neçə il qalacaq və gələcəkdə onun varisi peyda olacaq.
teqlər: | Mercedes-Benz, Mercedes-Benz SLS AMG | 23.09.2013 |