Yarış “Viper”-ni yarımmilyon dollar qiymətləndirdilər
“SRT” şirkəti “Le-Manın 24 saatı” marafonu üçün nəzərdə tutulan və 450 min dollar qiymətləndirilən yarış “Vayperi” - GT3-R-in yeni modifikasiyasını təqdim etdi. İstehsalçıların sözlərinə görə, superkar öz kateqoriyasında məşhur sutkalıq yarışda üç dəfə dalbadal – 1998, 1999 və 2000-ci illərdə qalıb gələn “GT3-R” modelinin məntiqi davamıdır.
“Chrysler” şirkəti superkar “SRT Viper”-i Avropa bazarına çıxartmaq niyyətində deyil. Rədd edilmənin rəsmi səbəbi fikirlərini ABŞ bazarında cəmləşdirmək istəyi oldu. “Le-Man” üçün olan “Vayper” faydalı iş əmsalı mülki superkarla müqayisədə 640-dan 690-a qədər, maksimal fırlanma anı isə 812-dən 868 Nm-ə artmış modernləşdirilmiş 8,4 litrlik V10 benzin mühərriki əldə etdi. Mühərrik pillələrini sükanaltı ləçəklər və çoxdiskli yarış muftası ilə dəyişmək imkanı olan altıdiapazonlu sekvental Xtrac sürət qutusu ilə cüt işləyir.
Bundan başqa, superkar altıporşenli qabaq və dördporşenli arxa əyləc supportları, yüngül lehimli təkər diskləri olan banın yeni aerodinamik asması, təhlükəsizlik karkası və yarış “parçları” əldə etdi. “Le-Man” üçün “SRT Viper” artıq sifariş üçün hazırdır. İlk nüsxələr cari ilin sonunda müştərilərə çatdırılacaq.
