Kabriolet Chevrolet Corvette-in ilk şəkilləri peyda oldu
Məşhur sportkarın yeni nəslinin Detroyt təqdimatına ehtiras soyumamış şəbəkədə müzakirəyə yeni mövzu çıxdı – “Chevrolet”-in heç üstünü də vurmadığı açıq modifikasiyanın ilk şəkilləri.
“Auto Insider” portalı tərəfindən nəşr edilən hər iki şəkil açıq damlı “Corvette”-i təsvir edir. İnsayderlərin məlumatına görə belə modifikasiya üstü açıq “Ferrari 458 Italia”-da tətbiq edilmiş yığıla bilən bərk dam ala bilərdi – “Italia Spider”-in alüminium damı üçün sərnişin oturacaqlarının arxa hissəsində xüsusi yer nəzərdə tutulub.
“Auto Insider” saytının müəllifləri iddia edirlər ki, şəkillər kompüter renderləri deyillər – yəni, onlarda heç bir dənə də piksel dəyişilməyib. Bununla belə “Chevrolet”-in kommunikasiya üzrə direktoru Maykl Albano “Jalopnik” portalına demişdir ki, nəşr edilmiş şəkillər yeni nəsil “Chevrolet Corvette”-in deyil. Bəzi məlumatlara görə bu Amerika fiması “Maisto”-nun buraxmağa hazırlaşdığı iri həcmli modelin eskizləridir.
Hər halda yeddinci nəsil “Corvette Convertible” 2014-cü ildən tez meydana gəlməyəcək. Üstü açıq “Korvetin” əvvəlki nəsli 430-güclü V8-lə təchiz edilir və ABŞ-da 54600 dollaradır. Yeddinci nəsil kupenin satışı bu ilin 3-cü kvartalında başlamalıdır.
teqlər: | Chevrolet, Chevrolet Corvette, Detroit Auto Show 2013 | 18.01.2013 |