Balaca krossover Lexus NX adını aldı
Görünür “Lexus” şirkəti özünün yeni krossoveri üçün ad seçib. Bu avtomobil gələcək nəsil “Toyota RAV4”-ün platformasında düzəldiləcək və “RX”-dən bir pillə aşağı olacaq. Yəqin ki, model “NX” indeksi əldə edəcək.
Artıq indidən məlumdur ki, “Lexus” “NX”-i ən azı iki modifikasiyada buraxacaqlar. Baza modeli “NX 200t” adlanacaq. Bu zaman “t” hərfi elə belə istifadə olunmayıb – tezliklə “Lexus” öz modellərinin kapotunun altına turbolaşdırılmış mühərriklər yerləşdirəcək. Bundan əlavə “NX 300h” variantı da meydana gələcək.
O özündə 2,5 litrlik benzinlə işləyən aqreqat və elektrik mühərrikini birləşdirəcək.
Yeni krossoverin rəsmi təqdimatı gələn il olmalıdır.