Jaguar XF və XJ tam ötürücülü oldular
Jaguar şirkəti XF və XJ sedanlarını əvvəl arxa ötürücülü təklif edirdisə, indi hər iki model üçün britaniyalı avtomobil istehsalçısı tam ötürücülü modifikasiya hazırladı.
Hər iki sedan tam ötürücülü olmaqla 3,0 litrlik, 6 silindirli, 340 a.g. benzin mühərriklə və start/stop sistemi olan 8-pilləli ZF avtomat sürət qutusu ilə təchiz edilmişlər.
Sedanları tam ötürücülü etmək üçün “Jaguar” mühəndisləri şassidə, yanacaq sistemində, həmçinin güc aqreqatının və sürət qutusunun elektron tənzimləmələrində bir çox dəyişikliklər etməli oldular.
Fırlanma anının əsas hissəsi həmişə olduğu kimi arxa ox tərəfindən həyata keçirilir, lakin onun hərəkət etməyə gücü çatmadığında dartma ön ox vasitəsilə qabaq təkərlərə ötürülür.
Tam ötürücülü Jaguar XF və XJ-in satışına 2013-cü ilin yanvar ayında başlanacaq.
