Toyota RAV4 və Lexus RX elektromobil olacaq

Toyota RAV4 və Lexus RX modelləri Toyota konserninin amerikan kompaniyası Tesla ilə birgə əməkdaşlığında hazırlanan ilk elektromobil olacaq. Bu haqda Bloomberg-ə, gizli qalmasını istəyən güvənilən mənbə xəbər verib. Onun sözlərinə görə test üçün olan ilk iki prototip iyul ayının sonlarında hazır olacaq. Mənbə onu da qeyd edib ki, Toyota-da ilk elektrokar Corolla sedanı etməyi planlaşdırıblar, sonra isə  SUV-lar Tesla-nın hazırladığı akkumulyator blokunu yerləşdirmək üçün əlverişli olduğuna görə qərarı dəyişdiriblər.

Xatırladaq ki, bu ilin iyul ayının 10-da Toyota və Tesla texnologiya mübadiləsi əsasında elektromobil hazırlama sahəsində əməkdaşlıq haqda müqavilə imzalayıblar. Daha öncə, 2 iyulda isə IPO Tesla müddətində yapon konserni kaliforniya kompaniyasının 50 milyon dollarlıq səhmlər paketini alıb.

Mənbə: autonews.ru

Tərcümə: AUTO.AZ