1990-cı illərin sonlarında Ford Puma Avropada ikiqapılı kupe formasında istehsal edilirdi. İndi isə Puma Avropa bazarlarına gözəl dizaynı olan subkompakt krossover kimi daxil olur.
Yeni Puma-da ilk valehedici xüsusiyyət onun çox kiçik ölçülərə malik olmasıdır. Düzdür, Ford hələlik ölçülər barədə dəqiq rəqəmlər deməyib, lakin gözlə göründüyü kimi, yenilik bazasında yığıldığı Fiesta-dan bir qədər böyükdür.
İlkin fotolar Puma-nı diod işıqlı faraları və arxa fənərləri olan ST Line X versiyasında nümayiş etdirir. Qabaq hissədə smayliki xatırladan və sanki avtomobilin daim xoşbəxt olduğunu göstərə böyük qara radiator barmaqlığı var.
Modelin interyeri, demək olar ki, tam Fiesta-dan götürülüb, o cümlədən artıq baza versiyasına daxil ediləcək və Apple CarPlay və Android Auto-nu dəstəkləyən, 8-düymlük ekranı olan informasiya-əyləncə sisteminə qoşulan 12,3-düymlük rəqəmsal cihazlar paneli. Həmçinin 10 dinamiki olan audiosistem də mövcuddur.
Puma-nın digər əsas xüsusiyyətləri bunlardır: daha çox təhlükəsizlik sistemi, o cümlədən qarşı toqquşmadan qaçan, piyadaları görən, dərhal tormozlama, şinlərdəki təzyiqi ölçən, hərəkət zolağına nəzarət edən elektron sabitləşdirici,, parklama, 180 dərəcə müşahidə zonası olan arxa kamera və s.
Ford Puma-nın kapotu altında da yeni texnologiya dayanıb – krossover 1-litrlik, 3-silindrli, 48-voltluq turbolaşdırılmış yumşaq hibridlə təchiz edilib. O, versiyadan asılı olaraq 123 və ya 153 at gücünə malikdir və 6-pilləli mexaniki sürətlər qutusu ilə birgə çalışır. Bir qədər sonra yenilik üçün dizel mühərrik EcoBlue və avtomat sürətlər qutusu da əlçatan olacaq. Lakin model üçün tam ötürücü nəzərdə tutulmayıb.