Volkswagen konsept ID Roomzz təqdim etdi
Volkswagen şirkəti Şanxay avtoşousu ərəfəsində keçirilən xüsusi tədbirdə yeni konsept ID Roomzz təqdim edib. Volkswagen-in elektrik sıralamasının sonuncu nümayəndəsi olan ID Roomzz modeli konseptdir və markanın gələcək 3 sıralı yolsuzluq avtomobilini nümayiş etdirir ki, o, 2021-ci ildə bazara çıxarılacaq.
VW ID Roomzz-un uzunluğu 4915 mm, eni 1890 mm, hündürlüyü 1760 mm, təkər bazası isə 2965 mm-dir. Şirkətdən bildiriblər ki, modelin interyeri ənənəvi mühərrikə malik VW Touareg-dən daha böyük olacaq.
Güc qurğusu ümumilikdə 302 a.g. verən iki elektrik mühərrikindən ibarətdir və avtomobilin döşəməsinin altında yerləşdirilmiş 82 kVt-lıq batareyadan qidalanır. Qeyd olunub ki, yeni ID Roomzz tam dolu cərəyan ilə 450 km məsafə qət edə bilər.
300-dən çox a.g. və startdan əlyetərli olan fırlanma anı sayəsində yolsuzluq avtomobili yerindən 100 km/saata 6,6 saniyəyə sürətlənir. Maksimal sürət 180 km/saatdır. Bundan əlavə, tez yüklənmə rejimi batareyanı 30 dəqiqəyə 80% doldurur.
ID sıralamasında altıncı modelin konseptinə minivendə olduğu kimi yana sürüşən arxa qapılar, hərəkət rejimi üzrə uyğunlaşdırılan oturacaqlar üçün çoxlu sayda funksiya təklif edən futuristik interyer daxildir. Bunun səbəbi yolsuzluq avtomobilinin 4-cü səviyyə idarəetmə sistemi ilə təchiz olunmasıdır.
