Hennessey-dən Ford Mustang Heritage Edition
Amerikanın tüninq atelyesi Hennessey on mininci istehsalını qeyd etmək üçün yubiley versiyası Ford Mustang Heritage Edition-ı təqdim edib. Ford GT Heritage Edition-ın şərəfinə istehsal edilmiş klassik ağ xətləri olan qırmızı rəngli bu modeldən cəmi 19 ədəd olacaq.
Atelyenin digər işlərindən fərqli olaraq, Mustang Heritage Edition bütün dünyaya çatdırılacaq. Avtomobilin qiyməti 89950 dollardır və ona 3 il və ya 58000 km zəmanət verilir.
Yeni rəngdən əlavə, Mustang karbon lifindən olan yeni banı ilə lovğalana bilər: yeni qabaq və arxa spoylerlər, yan ətəklər. Avtomobilin salonunda Hennesey-dən boyunaltılar və üzərində seriya nömrəsi olan emblem olacaq.
5,0-litrlik V8 də diqqətdən kənar qalmayıb: Hennessey ustaları təkmilləşdirilmiş yanacaq forsunkaları, yanacaq nasosu, hava-su tipli interkuler və 3,0-litrlik yükləyici quraşdırıblar. Mustang, həmçinin paslanmayan poladdan qaz buraxma sistemi, aşağı salınmış asılqan, təkmilləşdirilmiş Brembo əyləcləri, 20-düymlük təkər diskləri, Michelin Pilot Sport Cup2 şinləri alıb. Nəticədə Hennesey ustaları Ford Mustang-ın gücünü 808 a.g. və 918 Nm-dək artıra biliblər. İndi yerindən ilk yüzlüyə avtomobil 3,3 saniyəyə sürətlənir, maksimal sürət isə 322 km/saatdır.
