Azərbaycanca
Русский
Elan yerləşdirmək

Avtomobil axtarışı

Buraxılış ili
Qiymət
RSS

Mercedes-Maybach-dan möhtəşəm konsept

Almaniyanın Mercedes şirkəti təəccübləndirməyi bacarır! Premial istehsalçıdan növbəti sürpriz – konsept Vision Mercedes-Maybach Ultimate Luxury. Gözlənilənlərin əksinə olaraq, premial markanın möhtəşəm yeniliyi yüksək keçid qabiliyyətinə malik sedan oldu.

Xatırladaq ki, bir qədər əvvəl konseptual model Vision Mercedes-Maybach Ultimate Luxury-nin yolsuzluq avtomobili Mercedes-Maybach GLS-dən xəbər verdiyi hesab edilirdi. Lakin hamı yanılırmış.

Dərc edilmiş şəkillərdən göründüyü kimi, möhtəşəm konsept Vision Mercedes-Maybach Ultimate Luxury 3-həcmli ban alıb. Məlumdur ki, prototipin əsasında MHA platforması dayanır. Yeri gəlmişkən, bu platformadan yolsuzluq avtomobili Mercedes-Benz GLS-in gələcək nəsillərində istifadə ediləcək.

Möhtəşəm sedanın dizaynı Almaniya şirkətinin ötən il təqdim etdiyi Vision Mercedes-Maybach 6 konsepti üslubunda hazırlanıb. Əvvəllər də qeyd edildiyi kimi, Vision Mercedes-Maybach Ultimate Luxury aprelin sonlarında açılacaq Pekin-2018 avtosalonunda təqdim ediləcək.

Konseptual avtomobilin salonunda çoxlu sayda ağac, yüksək keyfiyyətli dəri, xrom və hətta qızıl işləmələr görmək olar. Salon 4 sərnişin üçün nəzərdə tutulub. Bir çox müasir avtomobillərdən fərqli olaraq burada şampan yoxdur, əvəzində Çin çay servisi və güllər var.

Vision Mercedes-Maybach Ultimate Luxury elektrokardır. Belə ki, 4 elektrik mühərriki ilə təchiz edilib. Avtomobilin döşəməsinin altında 80 kVt/saatlıq akkumulyator batareyası var. Ümumi güc 750 a.g.-dür. Tam dolu akkumulyatorlar 500 kilometr məsafəyə bəs edir.

Bildirilib ki, Almaniya şirkəti gələcəkdə Vision Mercedes-Maybach Ultimate Luxury konseptinin motivləri əsasında seriyalı yolsuzluq avtomobili Mercedes-Benz GLS-i istehsal edəcək. Bu avtomobilin bazara nə zaman çıxarılacağı barədə məlumat verilmir.

AUTO.AZ

 



Şərhlər


Elanı Premium etmək

Daha tez satmaq imkanı!

Elanınız əsas səhifədəki Premium elan blokunda, sifariş olunan zaman müddətində göstəriləcək.
Orta hesabla, 10 dəfə daha çox baxış, 5 dəfə daha çox cavablanma, satışlar bir neçə dəfə tez həyata keçirilir!

Həmin elanın təkrar uzadılması zamanı cari xidmət müəyyən olunmuş günlərin sayı qədər uzadır (günlər toplanır).



Elanınızın nömrəsi:

Belə nömrə ilə elan mövcud deyil

Credit cardPortmanat