Z-Performance tüninqində BMW X5 M
Məşhur atelye Z-Performance modernləşdirilmiş yolsuzluq avtomobili BMW X5 M-i rəsmi surətdə təqdim edib. məşhur Bavariya avtomobili dizaynında bir çox eksklüziv həllər, gücü 750 a.g.-ə çatdırılmış mühərrik alıb.
Siz bu gözəl vəhşiyə baxın! Əminik ki, modernləşdirilmiş yolsuzluq avtomobili BMW X5 M by Z-Performance-ın hətta xarici görünüşü yol hərəkəti iştirakçılarında vahimə yaradacaq. Görünür, Avstriya atelyesinin mütəxəssisləri ürəkdən işləyiblər. Beləliklə, BMW X5 M by Z-Performance yeni aerodinamik asma, eksklüziv tutqun ban rəngi, atelyenin kataloqundan 22-düymlük böyük təkər diskləri alıb.
Bununla yanaşı, avtomobil modifikasiya olunmuş asılqan ilə təchiz edilib. Bir daha qeyd edək ki, atelye Z-Performance aerodinamika üçün təbii ki, karbon lifindən yeni elementlər hazırlayıb. Həmçinin BMW X5 M by Z-Performance tündləşdirilmiş optika alıb.
Texniki hissəyə gəldikdə, artıq qeyd edildiyi kimi, mühərrik 750 a.g.-ə malikdir. Bildirilib ki, mühərrikin gücləndirilməsi ilə Gorilla Performance şirkətinin mütəxəssisləri məşğul olublar. Mühərrikdə hansı işin görüldüyü barədə məlumat yoxdur.
