Detroyt-2018 beynəlxalq motor-şousunda konseptual yolsuzluq avtomobili Lexus LF-1 Limitless Concept debüt etdi. Yenilik dünyaya premial brendin gələcək dizaynının istiqamətini, həmçinin müasir texnologiyanın yeni mərhələsini nümayiş etdirir.
Möhtəşəm yolsuzluq avtomobili Lexus LF-1 Limitless Concept-in qabarit uzunluğu 5014 mm, eni 1986 mm, hündürlüyü isə 1605 mm-dir. Oxlar arasındakı məsafə 2974 mm-dir. Şirkətdən bildiriblər ki, yeniliyin xarici görünüşü Kaliforniyanın CALTY Design Research studiyasının mütəxəssisləri tərəfindən hazırlanıb.
Lexus LF-1 Limitless Concept-in dizaynının adı əridilmiş katanadır. Brendin nümayəndələri bildiriblər ki, yeni modelin dizaynı özündə əridilmiş metalın formasını və ənənəvi yapon qılıncının iti kənarlarını birləşdirir.
Lexus LF-1 Limitless Concept – bu, bizim krossover imkanlarını əhatə etməklə müasir sedanlarda olan məhsuldarlıqdan və möhtəşəmlikdən imtina etməyən yeni flaqman avtomobilimizin görünüşüdür. LF-1 Limitless konsepsiyasına yaradıcı texnologiyalar daxildir ki, buna sürücü və sərnişinlər üçün insani təcrübəni yaxşılaşdıran güclü emosional rabitə aiddir.
Güman edildiyi kimi, Yaponiya şirkəti prototip Lexus LF-1 Limitless Concept-in texniki təchizatı barədə məlumat verməyib.
teqlər: | Lexus, Lexus LF-1 Limitless Concept | 22.01.2018 |