Jaguar-dan uzun sedan XEL
Britaniyanın premial brendi olan Jaguar uzun sedan XEL-in sirrini rəsmi surətdə açdı. Avtomobil cari ilin sonlarında Çində satışa çıxarılacaq.
Qeyd edək ki, şirkət Jaguar XEL-in cəmi bir şəklini paylaşıb. Hələlik avtomobil barədə rəsmi məlumat verilmir. Çinli həmkarlarımızın sözlərinə görə, uzun sedan Ingenium ailəsinə məxsus 2,0-litrlik benzin mühərriklə (200 və 250 a.g.) təklif ediləcək.
Qeyri-rəsmi məlumata əsasən, sedan Jaguar XEL 100 mm böyüdülmüş təkər bazası alıb – o, indi 2935 millimetrdir. Yeni sedanın uzunluğu 4788 millimetrdir (+116 mm).
