Mercedes-Benz şirkəti bu günlərdə Kaliforniya sahillərində baş tutan Monterey Car Week adlı tədbirə nümayiş etdirmək üçün konseptual elektromobil Vision Mercedes-Maybach 6 Cabriolet gətirib.
Avtomobil istehsalçısının sözlərinə görə, həssas, emosional, cəlbedici dizayna və müasir texnologiyaya malik olan təqribən 6 metr uzunluğunda ikiyerli kabriolet gələcəyin möhtəşəm elektromobilləri barədə təsəvvür yaradır. Vision Mercedes-Maybach 6 Cabriolet-in layihəsini hazırlayarkən, istehsalçılar ar-deko üslubuna müraciət etmişlər.
Vision Mercedes-Maybach 6 Cabriolet 750 a.g. verən mühərrikə malikdir və 100 km/saata 4 saniyədən də tez sürətlənir. Tam dolu akkumulyatorla avtomobil 500 km məsafə qət edə bilər. Tez dolma sistemi sayəsində akkumulyator 5 dəqiqəyə 100 km məsafə qət edə biləcək qədər enerji yığır.
Elektromobil üçün xrom dekorativ elementlərlə və 24-düymlük disklərin milləri ilə yaxşı uyğunlaşan tünd-göy rəng seçilib. İnteryer ağ dəri ilə işlənilib. İşləmələrin hər düyməsində Mercedes-in loqotipi var. Döşəmə ağac və alüminiumdan hazırlanıb. İstehsalçı bildirir ki, mərkəzi konsolda göy işıqlı optik liflər var ki, bu da rəmzi mənada avtomobili hərəkətə gətirən enerji axını deməkdir.
teqlər: | Mercedes-Benz, Vision Mercedes-Maybach 6 Cabriolet, Maybach | 24.08.2017 |