BMW şirkəti yeni nəsil universal 5-Series təqdim edib. Avtomobil mart ayında Cenevrədə keçiriləcək avtosalonda debüt edəcək. Modelin əsas rəqibləri Mercedes-Benz E-Class Estate və Audi A6 Avant-dır.
Yenilik sələfinə nisbətən daha böyük və geniş olub. Arxa oturacaqlar yığıldıqda onun baqajının həcmi 1700 litrə bərabər olur. Bu, əvvəlki modeldən 30 litr çoxdur. Avtomobilin uzunluğu 8 mm, təkər bazası isə 7 mm böyüyüb.
Buna baxmayaraq, təkmilləşdirilmiş modul platforması sayəsində yeni BMW 5-Series Touring daha yüngül alınıb (-100 kq). İndi universal 730 kq-adək yük daşıya biləcək (+120 kq).
Avtomobili 4 versiyada əldə etmək olar – 530i, 540i xDrive, 520d və 530d. Avtomobil 252 a.g. olan 2,0-litrlik, 340 a.g. olan 3,0-litrlik benzin mühərriklərlə təchiz edilir. Hər iki mühərrik 8-pilləli avtomat sürət qutusu ilə birgə çalışır.
Müştərilərə, həmçinin 2,0-litrlik dizel mühərriki təklif edilir. Mühərrik 190 a.g.-ə malikdir. Həmçinin 265 a.g. olan 3,0-litrlik dizel aqreqat da əldə etmək olar.
teqlər: | BMW, BMW 5-series | 02.02.2017 |