Hyundai yeni Grandeur təqdim edib
“Hyundai” şirkəti yeni nəsil sedan “Grandeur”-nun ilk şəkillərini dərc edib. Bu model ABŞ-da “Azera” adı ilə tanınır. Avtomobilin Cənubi Koreyada satışına gələn ay başlanacaq.
Modelin dizaynı “Genesis G80”-i xatırladır. Təkər bazasının genişləndirilməsi sayəsində salonda sərnişinlər üçün yer xeyli böyüyüb. Şirkətdən bildirilib ki, avtomobil “Hyundai”-ın “yeni dizayn erasından xəbər verir”.
Sedan 3,3-litrlik benzin V6 mühərriki ilə hərəkətə gətirilir. O, 8-pilləli avtomat sürət qutusu ilə birgə işləyir. Yeniliyin dinamik xarakteristikası hələlik sirr olaraq qalır.
Mühərrik qammasına 4-silindrli benzin və dizel mühərriklər daxil ediləcək. Bundan əlavə, hibrid modifikasiyanın da peyda olması istisna edilmir.
