Overfinch nadir Range Rover yaradıb
Britaniyalı tüner “Range Rover”-in möhtəşəm versiyasını – “Autobiography”-ni ciddi surətdə dəyişib. Bu yolsuzluq avtomobili standart variantda da dəbdəbəni təcəssüm etdirir. Əgər “Overfinch” “Range Rover Autobiography”-ni sportkar kimi etsəydi bu, mənasız alınardı.
Demək olar ki, bütün güc interyerin təkmilləşdirilməsinə sərf olunub. İndi salon əsl incəsənət əsəri kimi görünür. Məhz bunun üçün bahalı ağac növlərindən əl ilə 5500 hissə hazırlanıb. Nəyə görə belə çox? Onların üzərində Londonun əsas görməli yerləri təsvir olunub.
İnteryerdən əlavə, tüner xarici görünüş üzərində də çalışıb: hər iki bamper təkmilləşdirilib, böyük hava çıxıntıları əlavə olunub, radiator barmaqlığı dəyişdirilib, 22-düymlük “Tora” diskləri quraşdırılıb.
Əsl kolleksiyaçı bu avtomobil üçün 249990 funt sterlinq ödəməkdən çəkinməməlidir.
