Mercedes GLC AMG versiyası alıb
“Mercedes-AMG” şirkəti krossover “GLC”-nin idman versiyasının sirrini açdı. O, “43 AMG” adı alıb. Avtomobil martın axırında Nyu-Yorkda keçiriləcək avtosalonda təqdim ediləcək. 2016-cı ilin sonlarında o, Avropada satışa çıxarılacaq. Qiymət hələlik məlum deyil.
Yenilik idman bamperləri, fərqli radiator barmaqlığı, splitter, 20-düymlük yüngül lehimli təkər diskləri, 4 borusu olan yeni qaz buraxma sistemi alıb. Avtomobilin salonunda yeni oturacaqlar və fərqli cihazlar paneli quraşdırılıb.
Krossoveri 3,0-litrlik benzin V6 mühərriki ilə təchiz ediblər. o, 362 a.g. verir. Aqreqat “9G-Tronic” sürət qutusu ilə birgə işləyir, 100 km/saata 4,8 saniyəyə sürətlənir. Maksimal sürəti elektron göstəricidə 250 km/saatda məhdudlaşdırılıb.
“GLC43 AMG” uyğunlaşdırılmış amortizatorları olan “AMG Ride Control” idman asması alıb, ona 3 tənzimləmə variantı daxildir: “Comfort”, “Sport” və “Sport Plus”. Sürücü üçün start-stop, təkmilləşdirilmiş əyləclər və mühərrikin işinə, sürət qutusuna, sükan idarəçiliyinə və asmaya nəzarət edən “AMG Dynamic Select” sistemi əlyetərlidir.
