Mansory-dən Mercedes-AMG GT S
“Mansory” hər zaman əlində ehtiyat olaraq bir yenilik saxlayır – tünerin 2016-cı ildə Cenevrə avtosalonunda olan stendi də belədir. İsveçrə şirkətinin sonuncu layihəsi “Mercedes-AMG GT S”-in bazasında yığılıb. Tam aerodinamik təkmilləşdirmə sportkarı bu gün üçün ən ekstremal “GT S”-ə çevirib.
Enli ban asmasına malik paket “Mercedes-AMG GT S”-ə maksimal aqressiv görünməyə imkan verir. Yeni qabaq və arxa bamperlər quraşdırılıb, onlar soyutmanı yaxşılaşdırır, təkər arkaları isə ümumi enə 25 sm əlavə edir. Avtomobil yeni yan ətəklər, diffuzoru və arxa spoyleri olan arxa paket, mühərrik isə qırmızı karbon lifindən qabaq alıb.
Son vaxtlar “Mansory” məhsuldarlığın artırılmasını təklif edir. “Mercedes-AMG GT S”-də də istisna olmadı. 4,0-litrlik V8 mühərrikinin gücü 730 a.g.-ə qədər artırılıb. Məhsuldarlıq paketinin əsas komponentlərinə daha böyük turbo yükləyicilər, paslanmayan poladdan qaz buraxma sistemi, idman hava filtri, elektronikanın yeni proqramı daxildir. İndi “AMG GT S” yerindən 100 km/saata 3,4 saniyəyə sürətlənir, maksimal sürət isə 330 km/saatdır.
“Mercedes-AMG GT S”-in salonu tam makiyaj olunub – burada karbon əlavələr var, oturacaqlar isə qara/qırmızı dəridən, ağ əlavələrdən işlənib. Salonda, həmçinin məhz “Mercedes-AMG GT S” üçün hazırlanmış idman sükanı quraşdırılıb. Ənənəvi olaraq, “Mansory”-nin tüninqinə tikilmiş loqotiplər, qapılarda və pedallarda işıqlandırma daxildir.
