Adətən avtomobillərin, xüsusən də italyan superkarlarının yeni versiyaları əvvəlki modellərdən daha güclü və cəld olur. İtalyanlar isə Los-Anceles avtosalonu ərəfəsində baza versiyasına nisbətən daha zəif, asta və təhlükəli avtomobil təqdim ediblər.
“Lamborghini Huracan” – italyan markasının əvvəlki iki modelindən ən kiçiyi – tam ötürücülü avtomobildir, 610 a.g.-lü mühərrikə malikdir. Los-Anceles avtosalonunda təqdim ediləcək yeni “LP580-2” modifikasiyasının mühərrikinin gücü 580 a.g.-ə qədər azaldılıb.
Sürətsevərləri, çox güman ki, avtomobilin konstruksiyasındakı başqa vacib məsələ maraqlandıracaq. “LP580-2” – arxa ötürücülü avtomobildir və bu da onun idarəetməsini çətinləşdirir. “Lamborghini”-nin mühəndisləri avtomobilin gələcək sahiblərinə bir qədər kömək ediblər – asma və əsas elektron sistemlər yenidən tənzimlənib.
Yenilik tam ötürücülü variantda 33 kq yüngüldür. Lakin bu fərq də onu cəld etməyib.
teqlər: | Lamborghini, Lamborghini Huracan | 21.11.2015 |