Mini yeni kabriolet təqdim edib
İndiki nəsil hetçbək “Mini” axır ki, damdan məhrum oldu. Hetçbək kimi, kabrioletin də ölçüləri artıb və müvafiq olaraq daha dözümlü olub. “Mini Convertible”-ın əldə etdiyi yumşaq damı 18 saniyəyə yığmaq olar.
Hetçbək kimi, kabriolet də qabaq ötürücülü UKL platformasında yığılıb. Yenilik mühərrik qammasını məntiqi olaraq hetçbəkdən mənimsəyib: bazarda yer tutmaq üçün o, 3- və 4-silindrli 136 və 192 a.g. verən iki benzin mühərriklə çıxıb. Sonuncu “S” modifikasiyası üçün nəzərdə tutulub və 100 km/saat sürəti 7,1 saniyəyə yığır: bu, kabrioletin əvvəlki variantından cüzi çoxdur. Bundan əlavə, yenilik üçün 116-güclü dizel mühərrik də hazırlayıblar. Mühərriklər 6-pilləli mexaniki və avtomat sürət qutuları ilə birgə işləyəcəklər.
Bir qədər sonra kabrioleti 2-litrlik 170 a.g. verən dizel mühərriklər də təchiz edəcəklər. Bu, “SD” dizel versiyası üçün olacaq. Güclü “John Cooper Works” modifikasiyası da planlaşdırılır. O, 2-litrlik, 231 a.g. verən turbo mühərrik, həmçinin baza variantında 1,2-litrlik mühərrik alacaq. Kabriolet üçün geniş fərdiləşdirmə imkanları da təklif ediləcək, o cümlədən parça dam üçün yeni naxışlar. Bununla yanaşı, hetçbəklə müqayisədə kabrioletin banı üçün daha çox rəng variantları seçmək olacaq.
Источник: auto.vesti.ru
