Mansory tüninqində Porsche Panamera
Son zamanlar çox fəal olan “Mansory” “Porsche Panamera”-nın növbəti tüninq variantını hazırlayıb. Əlbəttə, bu yeniliyə əlavə “at gücü” və bir sıra ənənəvi üslub yenilikləri daxildir.
Onsuz da mübahisəli olan “Porsche”-un xarici görünüşü daha qeyri-adi olub – atelye daha ciddi görünüş düzəldib. Asmada daha enli arkalar (eni +70 mm), 22-düymlük qara disklər və qara karbon kapot peyda olub. Burada, əlbəttə, çox böyük spoyler da quraşdırılıb.
İndi “Panamera”-nın əvvəlki 520 a.g. və 700 Nm fırlanma anını 680 a.g. və 900 Nm əvəz edir. Bu da onu “Panamera Turbo S”-dən sürətli edir – ilk yüzlüyə “Mansory” cəmi 3,6 saniyəyə sürətlənir, maksimal olaraq isə 300 km/saat sürət yığır.
