Yayda yeni nəsil “A4”ü göstərən “Audi” Frankfurt avtosalonunda onun yüklənmiş “S” versiyasını təqdim etdi. İndi o, 354 a.g.-ə malikdir.
Sələfindən tanıdığımız 3-litrlik TFSI təkmilləşdirildikdən sonra 500 Nm fırlanma anına malikdir və 8-pilləli “Tiptronic” ilə birgə işləyir. O, ilk yüzlüyə 4,7 saniyəyə sürətlənir və maksimal olaraq 250 km/saat sürət yığır. Buna baxmayaraq, “Audi”-dən bildirirlər ki, avtomobil sakit hərəkət edərsə, 100 km məsafəyə orta hesabla 7,4 litr yanacaq sərf edir.
S-modelin əsas fəxri: özübloklanan mərkəzi differensialı olan tam ötürücü “quattro”. Adi rejimdə arxa təkərlərə 60 faiz güc ötürülür, lakin vəziyyətdən asılı olaraq, 2016-cı il “S4”-ü bunu 85 faizə çatdıra bilər.