Toyota restaylinq olunmuş Avalon təqdim etdi
“Toyota” şirkəti restaylinq olunmuş sedan “Avalon”-u təqdim etdi. Avtomobilin debütü Çikaqodakı avtomobil salonunda keçiriləcək.
Yenilik aqressiv dizayn, dəyişilmiş radiator barmaqlığı, modernləşdirilmiş diodlu hərəkət işıqları, şaquli diodlu duman əleyhinə fənərlər, idmansayağı qabaq bamper, 17-düymlük təkər diskləri, yeni informasiya-əyləncə sistemi alıb. Avtomobilin salonu da yeni variantı ilə seçilir.
İlkin məlumatlara görə, avtomobilin kapotu altında 3,5-litrlik benzin V6 mühərriki quraşdırılacaq. Onun gücü 268 a.g., 336 Nm fırlanma anı olacaq. Mühərrik 6-pilləli avtomat sürət qutusu ilə birgə işləyəcək.
Bundan əlavə, tamölçülü sedan hibrid modifikasiya da alacaq. Belə versiya 2,5-litrlik 154 a.g. adi mühərrik və 141-güclü elektrik mühərriki, o cümlədən nikel-metal hibridli batareya ilə təchiz ediləcək.
