ABT yeni Audi TT-ni təkmilləşdirib
Alman tüninq-atelyesi ABT kupe “Audi TT”-nin yeni nəsli üçün ilk tamamlanma proqramını təqdim etdi. Mühərrikin idarəetmə blokunun yenidən proqramlaşdırılması və idman qaz buraxma sisteminin quraşdırılması sayəsində 2-litrlik baza mühərrikinin gücünü 230-dan 310 a.g.-ə qədər artırmaq mümkün olub.
Proqram, həmçinin 184-güclü 2-litrlik dizel mühərrikinin təkmilləşdirilməsi üçün də nəzərdə tutulub. Lakin bu mühərrikin gücünün nə qədər olacağını ABT hələlik bildirmir.
TT-nin mümkün təkmilləşdirilmə siyahısına, həmçinin aerodinamik asmanın quraşdırılması, asılqanın aşağı salınması və “Continental” şinləri olan 20-düymlük təkər diskləri daxildir.
Hələlik yalnız mühərrikin təkmilləşdirilməsinin qiyməti məlumdur – bu, 2349 avrodur. Bütün elementləri, o cümlədən mühərrikin təkmilləşdirilməsi üçün lazım olacaq elementləri ayrı-ayrı sifariş etmək olar.
