Scion yeni hetçbekin sirrini açdı
Yaponiya konserninin Amerika bölməsi olan “Scion” şirkəti “iM” adlı ketçbekin konseptinin sirrini açdı. Avtomobilin ictimai debütü Los-Anceles motorşousunda keçiriləcək.
Konsept “iM” “Toyota Auris”-in analoqudur, lakin daha çox idman dizaynı ilə fərqlənir. Avtomobil enli yan astanalar, böyüdülmüş təkər yarımhalqaları, aşağı salınmış asılqan, 19 düymlük təkər diskləri və damda spoyler əldə etdi.
Qeyri-rəsmi məlumata görə, avtomobilin kapotunun altında 1,8 litrlik benzin mühərriki qquraşdırıla bilər. Mühərrikin gücü 132 a.g. və 170 Nm fırlanma anı təşkil edəcək. “Toyota Auris”-ə də belə bir güc qurğusu quraşdırılır.
Bundan başqa, “Scion” Amerika şirkəti yeni sedanın istehsalına başlayıb. Yeniliyin əsası “Mazda2”-nin yeni nəslinin modul platformasıdır. Lakin ilkin məlumatlara görə, yaxın gələcəkdə “Scion” şirkəti dünya bazarına bir neçə yeni model də əlavə edəcək. Bunlara krossover və kabriolet “FR-S” daxildir.
Xatırladaq ki, yeni brend “Scion” 2003-cü ildə meydana gəlib. Bu gənc-idman markasının məşhur dövrü 2006-cı ilə təsadüf edir. O zaman 173 min avtomobil satılmışdı.