“PAŞA Həyat”ın əsas maliyyə göstəricilərində yüksək artım müşahidə olunub

Azərbaycanın həyat sığortası bazarının lideri olan “PAŞA Həyat Sığorta” şirkəti cari ilin yanvar-sentyabr ayları ərzində əsas maliyyə göstəricilərində yüksək artım müahidə olunub.

Şirkətin Strateji inkişaf üzrə direktoru İsrail Qarayevin sözlərinə görə, cari ilin 9 ayı ərzində şirkətin ümumi aktivlərinin həcmi 32,301 mln. manat və ya 62,4% artaraq 84,036 mln. manata, ümumi pul vəsaitləri isə 19,524 mln. manat və ya 41,2% artaraq 66,880 mln. manata çatıb.

Bununla yanaşı, qeyd olunan hesabat dövrü ərzində şirkətin sığorta ehtiyatlarının həcmi 22,473 mln. manat və ya 2,4 dəfə artaraq 39,287 mln. manat, sığorta haqları 7,359 mln. manat və ya 30,3% artaraq 31,657 mln.manat, sığorta ödənişlərinin həcmi isə 1,585 mln. manat və ya 3,5 dəfə artaraq  2,225  mln. manat təşkil edib.

İ.Qarayev bildirib ki, bu müddət ərzində şirkətin nizamnamə kapitalında da ciddi artım nümayiş olunub. Belə ki, kapitalın həcmi ötən 9 ay ərizndə 15,050 mln. manat və ya 59,7% artaraq 40,250 mln. manata çatdırlıb.

“PAŞA Holding” şirkətlər qrupunun üzvü olan “PAŞA Həyat Sığorta” ASC 2011-ci ilin fevral ayının 14-dən fəaliyyət göstərir. Hazırda şirkət müştərilərə istehsalatda bədbəxt hadisələrdən icbari sığorta növündən başqa, həyatın müddətli sığortası, yığım tərkibli yaşam sığortası, sağalmaz xəstəliklərdən sığorta və digər könüllü həyat sığortası məhsulları da təklif edir.

Press-relizlə bağlı əlavə məlumat almaq üçün şirkətin İctimaiyyətlə Əlaqələr Xidməti ilə əlaqə saxlaya bilərsiniz.

Nərimanov r-nu
Mayakovski küçəsi, 15
Bakı AZ1154, Azərbaycan

Tel:     (+99412) 567 32 36
Faks:  (+99412) 567 32 39
Mob:    (+99455) 252 41 10

E-mail:  office@pasha-life.az
www.pasha-life.az