Vencer superkar Sarthe təqdim etdi
“Vencer” şirkəti “Sarthe” adlı özünün ilk və hələlik yeganə superkarının seriyalı versiyasını təqdim edib. Onun hazırlanması üçün hollandlar 4 il vaxt sərf ediblər. Prototiplə müqayisədə superkarda 100-dən çox yenilik edilib.
“Vencer Sarthe”-nin konstruksiyasında əsas dəyişiklik yeni güc qurğusudur. İstehsalçı “Chevrolet Corvette”-dən olan 6,2-litrlik V8 mühərrikindən istifadə etməkdən imtina etdi, onun yerini isə daha güclü – 6,3-litrlik mühərrik tutdu.
Beləliklə, superkarın gücü 510-dan 622 a.g.-ə qədər artdı, fırlanma anı isə 838 Nm təşkil etdi. 6-pilləli “mexaniki” sürət qutusu ilə birgə mühərrik “Vencer Sarthe”-ni 100 km/saata 3,6 saniyəyə çatdırır. Bu, əvvəlkindən 0,2 saniyə tezdir. Hollandiya superkarının maksimal sürəti 338 km/saatdır.
“Sarhe”-nin asılqanı ikiqat köndələn rıçaqdan ibarətdir. Təkcə yüksək dözümlü poladdan və alüminiumdan deyil, həmçinin xromdan olan konstruksiya sayəsində superkarın çəkisi 1390 kq olub.
Çəki oxlar arasında 45:55 nisbətində arxa oxun xeyrinə bölünür. “Vencer”-dən bildirirlər ki, onlar ayda bir “Sarthe” yığa bilərlər.
İstehsalçı işini yüksək qiymətləndirir: Holland superkarının qiyməti 270 min avrodur.
teqlər: | Vencer, Vencer Sarthe | 22.09.2014 |